DXVA Checker破解顯示卡既隱藏功能

AMD既顯示卡驅動會隱藏左某啲功能，但係呢啲功能對畫質既改善令人眼前一亮，所以今次小弟就同各位用家一齊解開顯示卡既重重枷鎖。

先此聲名今次既攻略只係用到係AMD既顯示卡度，而且未必全部型號都支援，另外呢個動作係有一定既風險，因為始終係AMD官方冇提供既功能，各位要評估自己可以負擔既意外。
而且各位都要留意顯示卡既負荷，因為呢啲功能可能會令顯示卡既負荷過重，導致過熱、疾機既問題。

作者既講解(日文)：http://bluesky23.yukishigure.com/dxvac/howto/vas3.html

首先要裝左DXVA Checker先，去佢個網拉到最底紅框度下載安裝檔，安裝過程好簡單。
http://bluesky23.yukishigure.com/DXVAChecker.html
或者去videohelp下載
http://www.videohelp.com/software/DXVA-Checker

裝左開埋DXVA Checker然後撳右下角個箭咀，再撳Video Acceleration Settings。

跟住見到好多選項，但係重要剔Show All Settings。

但首先要將預設選項儲存左先，因為好易唔記得自己改左咩，或者唔小心改錯其他野。而儲存個檔名我鐘意叫0或者default。

留左個底之後就可以開始入正題，今次最主要設定有3樣。
CmMode_Denoise=2
CmMode_SuperRes=1
CmSupp_Denoise=2
然後先剔左你要擇嗰樣，跟住係右邊揀數值再撳Set Value。
重有記住改完設定，要重開播放器先會有效果。

而且配合驅動既自訂清晰度既設定先顯出佢既威力，平時就咁開自訂清晰度係會破壞畫質，但係配合埋上面DXVA checker既隱藏功能就會見真章。而我個人會開到中。

最後效果圖，好多用家都反映電影既效果比動畫大好多，而我都認同，因為真人電影既效果清楚到連鬚根都睇得到。

動畫 – 預設

動畫 – 預設、清晰度：中

動畫 – 已開隱藏功能、清晰度：中

電影 – 預設

電影 – 預設、清晰度：中

電影 – 已開隱藏功能、清晰度：中