2016年7月1日 星期五

MPC-HC 播放器介紹+設定心得


Mpc-hc ( Media Player Classic Home Cinema )都算係windows入面一個出名既播放器(video player) 佢會係咁多播放器入面跑出同我都推薦我諗係因為佢介面簡潔、無垃圾廣告、支援多類型既檔案同用法簡單無咩額外既軟件 但又容易添加其他軟件黎改善畫質 所以深得重度畫質追求者垂青 但係今次唔會點講用mpc-hc配合其他軟件黎提高畫質 主要講mpc-hc既基本操作同唔同功能

mpc-hc個官網:https://mpc-hc.org/
videohelp既網同時有得下載:http://www.videohelp.com/software/Media-Player-Classic-Home-Cinema
佢支援Windows® XP SP3, Vista, 7, 8, 8.1, 10 both 32-bit and 64-bit。
而我就用喺windows 10 64-bit度用緊,各種功能包括硬解都係無問題。
唔想安裝既都可以用portable免安裝版,
可以去阿榮度下載http://www.azofreeware.com/2007/04/media-player-classic-6490.html
現在windows盛行既第三方播放器大概係potplayer同mpc-hc,而mpc be係部份mpc hc的開發者另外推出的新播放器。
另外一個叫KCP(kawaii codec pack)既一個國外出名睇動畫既播放系統合集,當中播放器都係用mpc-hc。

介面 基本要有既制都有 得咁多無咩好講 個logo大大個全名係度

一開始用係睇唔到中文既  咁就要係個播放器撳O制開options出黎  然後撳player 再係language
繁體中文chinese(Traditional)


格式  呢度可以設定那些檔案double click就自動用MPC-HC黎播放而不會用windows預設的播放器,支援多種檔案格式如AVI、TS、MP4、MKV.......等。
不過要記住先撳以系統理員身份執行。

按鍵  有不同指示來控制播放器,而且可以自訂快捷鍵。

標誌  如果你覺得原本MPH-HC個logo篤眼篤鼻,咁佢就俾你用自己既圖去換

改左個logo好似有番啲生氣


網頁介面  你可以用瀏覽器黎控制個播放器,先剔左監聽連接埠,再係瀏覽器打電腦ip+冒號+紅框入面既數字,例如: 192.168.1.191:13579
只允許從本機存取代表只可以係mpc-hc存在既電腦瀏覽器先開到個網頁介面
啟用預覽就可以係網頁介面度睇到你mpc-hc既畫面


播放 就係控制播片既唔同控制  都係個人喜好既設定  字幕如果你睇開正體字就可以打big5、cht........等等既指示  即係你繁體字幕既檔名常見既一種標示


Shaders  俾你加唔同內置既效果 呈現唔同既視覺上既感覺  要講下既就係pre-resize同post-resize既分別   對於習慣全螢幕睇片或者係1080P既螢幕睇4k片既用家   要理解pre-resize就係將影片改變大細前加上效果 post-resize就會係改變大細後先加上效果 兩者都會呈現唔同既效果
而且係網絡上有唔同高手製作既shader去提高畫質



全螢幕  可以選擇一開檔案就以全螢幕黎顯示 適合HTPC既用家  又可以揀用邊個螢幕黎顯示  岩多螢幕既用家


擷取  呢樣對香港用家無咩作用  因為要配合電腦卡之類既設備黎係電腦收睇電視既影像  不過香港啲電視都無咩好睇


播放器  呢度既選擇對經常睇DVD或BD既用家會有用  不過我就無咩機會用bluray同DVD所以我冇經驗可以分享


輸出  呢度既設定你影片經解碼後 影像訊號同聲音訊號會用邊啲方法/用咩裝置呈現
不過你見到咁多選擇又唔洗怕要試好耐  因為好多係以前遺留落黎既 最常用係EVR自訂呈現 因為佢已經係當中最新既渲染器 (唔計要另外裝既haali's同madvr,madvr係一個好勁既渲染器,而我都有篇文講http://ppkkkp.blogspot.com/2016/07/madvr.html)

變更大小我建議用bicubic A=-0.60 (PS 2.0)但千其唔好用nearest neighbor因為呢個方法去放大/縮細畫面個畫質好差


音訊繪製器就無咩所謂 不過如果你想播野嗰陣唔會有其他聲 可以用內置既聲音渲染器 再去下面audio renderer度轉用獨佔模式 而且獨佔模式可以繞過windows好多影響音質既處理 據聞會好聲啲添。
亦可以安裝reclock以同步影像和螢幕,解決畫面不時斷續的情況,以順暢播放影像。
reclock安裝及使用教學:http://ppkkkp.blogspot.com/2016/07/reclock.html

字幕繪製器就用內置除非你有裝下面嗰兩種字幕渲染器,支援多種字幕檔(ass、srt等),如果想知另外兩個有咩特別可以睇我之前既文http://ppkkkp.blogspot.com/2016/06/xy-vsfilter-xysubfilter.html

內置解碼器 mpc-hc係用lav-filter一個ffmpeg為本既directshow分離器(splitter)同解碼器(decoder) 佢係由nevcairiel開發既開源解碼器,而且深得好多用家重用,因為支援多種唔同既檔案格式同硬體加速方法,支援mp4、mkv、flv、avi等檔案格式,也可以播放主流影像壓縮格式如X264/AVC、X265/HEVC、VP9、亦都支援8bit、10bit同16bit顏色深度。在音訊上也支援AAC、FLAC、MP3等主流格式。

係上面兩個大框,左邊選擇咩檔案可以被分器處理,右邊選擇咩格式可以被解碼器處理
如果用外置解碼器可以取消這裏的設定,一般用家剔晒佢就ok啦

下面就係分離器同解碼器既設定,如果想用硬體加速黎解碼檔案,就係視訊解碼器入面右上角
揀一款你用到既,如果你見到available係右邊就代表你用得到硬解,當中有CUVID、QuickSync同DXVA2 (copy-back)/DXVA2 (native)不同方法。

音訊切換器  呢度有唔同選項黎調校聲音,而且對於會插多幾個喇叭落電腦黎體驗多聲道既用家 下面個表可以簡單咁處理聲道同喇叭既配對


外部篩選器  好多其他既部件例如madVR、lav filters、blueskyfrc、ffdshow(通常為配合SVP)都係呢度加上,追求畫質會用到madVR、60fps用家會用到ffdshow/blueskyfrc、追求解碼效率會用到lav filter中的splitter、audio decoder、video decoder。


字幕  呢度有字幕既時間、位置同解像度之類等等既設定,最大材質解析度建議用desktop因為會根據你螢幕既解像度黎渲染,咁就全螢幕時不會太濛。

預設樣式  有唔同字型上既設定  例如顏色、字型同邊框等等

其他  其餘既選項關於外置字幕同內置字幕先後次序既設定等等,亦可以連結到網上的字幕資料庫以自動下載字幕,方便觀看。

調校  跳躍距離就即係調校左右制係唔同情況撳一次所跨越既時間幅度  其餘都係唔同既設定可以自行發堀下

其他  可以設定更新檢查既密度  顏色(亮度、對比、色調同飽和度)既控制對用家係重要既一環  而且你可以將你習慣既設定匯出成檔案  係其他電腦用mpc-hc就唔洗再設定過

進階  老實講我都冇校過呢度既設定  就我既了解其實唔會好影響播放既情況  不過要自己判斷

跟住都無咩講啦,希望各位可以share出去撑吓。 

mpc-hc簡單提升畫質方法http://ppkkkp.blogspot.com/2016/09/mpc-hc.html

另外原MPC-HC團隊的新作品MPC-BE (media player classic black edition)可能更適合你

沒有留言:

張貼留言

vk share