2016年10月28日 星期五

MPC-BE介紹及操作教學


mpc-be全名media player classic black edition,如果有試過唔同既播放器應該一睇到呢個名,就會覺得咁似曾相識,咁似mpc-hc既,其實佢地唔止似,佢地直頭可以叫做同一個阿媽生。因為mpc-be既出現係mpc-hc中因為分歧,所以一班mpc-be成員離開左mpc-hc既製作,自立新門戶一改介面由白變黑,不過簡單既操作同精簡既設定,呢兩個優點都有傳承到 。


MPC-BE支援多種唔同既檔案格式同硬體加速方法DXVA2,支援mp4、mkv、flv、avi等檔案格式,也可以播放主流影像壓縮格式如X264/AVC、X265/HEVC、VP9、亦都支援8bit、10bit同16bit顏色深度。在音訊上也支援AAC、FLAC、MP3等主流格式。是MPC-HC、potplayer以外的好選擇。

mpc-be個官網:https://sourceforge.net/projects/mpcbe/
videohelp既網同時有得下載:http://www.videohelp.com/software/MPC-BE
免安裝portable版可以係度下載:http://www.softking.com.tw/soft/clickcount.asp?fid3=26558

64bit(x64)版本一入官網綠色個Download就有得free下載

而32bit(x86)就要去file再撳MPC-BE然後就去到下圖既位置,當下版本既32bit就去release builds入面下載,之前版本就係下面MPC-BE x64同MPC-BE Win32度下載。
當中亦有nightly builds既測試版可以下載,不過可能會出現問題。


介面一貫簡潔都係嗰啲制,但並唔係就咁轉黑色,係設計上都時尚左。

都同mpc-hc一樣撳O制就會到選項,左邊既欄目既數目、排序同分類已經同mpc-hc有所不同。但右邊既選項都差唔多,但係介面語言就會係安裝過程中詢問你。

格式 可以揀邊類型既檔案double click就用mpc-be黎開,不過要撳左下面檔案關聯個修改制。

按鍵  唔同指令黎控制播放器,亦可以自行修改。

標誌  嫌本身個logo柒可以撳外部換左佢。

介面  mpc-be多左對介面觀感上既操作,有顏色同亮度而且包括音量制同OSD訊息。
換左logo可以校埋顏色襯番

網頁介面  可以用瀏覽器黎控制個播放器 先剔左監聽連接埠 再係瀏覽器打電腦ip+冒號+紅框入面既數字 例如: 192.168.1.191:13579
只允許從本機存取代表只可以係mpc-be存在既電腦瀏覽器先開到個網頁介面

播放  就係控制播片既唔同控制,都係個人喜好既設定,字幕如果你睇開正體字就可以打big5、cht........等等既指示  即係你繁體字幕既檔名常見既一種標示

DVD視訊  呢度既選擇對經常睇DVD或BD既用家會有用  不過我就無咩機會用BD同DVD所以我冇經驗可以分享

擷取  呢樣對香港用家無咩作用  因為要配合電腦卡之類既設備黎係電腦收睇電視既影像  不過香港啲電視都無咩好睇

Youtube  mpc-bc可以輸入youtube既link黎直接係播放器睇youtube既片,可以即時對youtube片再處理以得到更好畫質等既用處。

視訊  呢度既設定你影片經解碼後,影像訊號同聲音訊號會用邊啲方法/用咩裝置呈現。
不過你見到咁多選擇又唔洗怕要試好耐,因為好多係以前遺留落黎既,最常用係EVR自訂呈現,因為佢已經係當中最新既渲染器 (唔計要另外裝既haali's同madvr)。

madVR我另外有篇教學,呢個係好強既渲染器,可以大幅提高畫質。
http://ppkkkp.blogspot.com/2016/07/madvr.html

亦有篇簡單改善畫質教學。
http://ppkkkp.blogspot.com/2016/09/mpc-be.html

ffdshow raw video filter改善畫質教學。
http://ppkkkp.blogspot.com/2016/09/ffdshow-raw-video-filter.html

變更大小  當我地放大/縮細個畫面時電腦會用一啲計算方法黎計算出新既畫面,而大多數預設用bilinear既方法,但呢個係一個好一般既方,如果你希望畫面改變大細後得到更好畫質,我建議用bicubic A=-0.60 (PS 2.0),不過可以試下其他方法,但千其唔好用nearest neighbor因為呢個方法去放大/縮細畫面個畫質好差

色彩校正  有亮度、對比度、色調同飽和度既操控,適合有自我風格既用家。

影格同步  可以開啟垂直同步黎改善畫面撕裂既情況,而下面EVR 同步繪製就要先係視訊繪製器選擇EVR 同步繪製先可以啟用。

全螢幕  可以選擇一開檔案就以全螢幕黎顯示,適合HTPC既用家。又可以揀用邊個螢幕黎顯示,岩多螢幕既用家。

音訊  可以選擇唔同既音訊譜製器,可以選擇唔同方法輸出經解碼既音訊,唔同既方法對音質會有唔同既影響,亦可以安裝Reclock以稍微改變音訊速率以調節影像速度,同步播放器和螢幕,改善畫面斷續的情況。

Reclock將畫面400%同步個螢幕:http://ppkkkp.blogspot.com/2016/07/reclock.html



字幕  字幕繪製器可以用住內置嗰個支援多種字幕檔(ass、srt等),但係遇到字幕好lag或某啲視覺效果顯示唔到可以裝下面xy-vsfilter/xysubfilter,而我寫過一篇字幕既攻略http://ppkkkp.blogspot.com/2016/06/xy-vsfilter-xysubfilter.html

繪製  內置字幕既設定,有位置、字幕既解像度、延遲同其他唔同既調整,如果播某啲字幕會疾可以將子畫面數目較低啲,最大材質解析度建議用desktop。

預設樣式  字幕字型既設定,有邊框同顏色等既設定。

內部篩選器  呢度分左來源篩選器、視訊解碼器音訊解碼器,選擇咩類型檔案可以被播放器處理,即係邊啲檔案剔左先播得到,通常一啲用家想某種檔案用其他方法黎處理就會取消左嗰種檔案,所以一般用家剔晒佢就ok啦。

視訊解碼器中在DXVA字眼的選項代表做用硬體加速方式解碼,使用顯示卡部份輔助運算,提高解碼效率。

外部篩選器  好多其他高手製作軟件例如madVR、lav filters、ffdshow(通常為配合SVP)等都需要係度添置,不過對於重度畫質、60fps用家先會多啲用,想知怎樣使用可以到下方連結。

SVP 4 (Smooth Video Project) - 60fps流暢睇片攻略一:http://ppkkkp.blogspot.com/2016/05/SVP.html

BlueskyFRC (bluesky frame rate converter) - 60fps流暢睇片攻略二:http://ppkkkp.blogspot.com/2016/05/bluesky-frame-rate-converter.html



優先度  可以設定唔同檔案用唔同既分離器黎處理,不過首先要有其他分離器安裝係電腦度。

其他  跳躍距離就即係調校左右制係唔同情況撳一次所跨越既時間幅度,其餘既設定係個人喜好。

最後希望各位share出去支持吓

4 則留言: